Os pacientes con diabetes tipo 2 deben pasear 10 minutos tras cada comida

Un paseo de só 10 minutos tras cada comida principal, isto é, tralo almorzo, o xantar e a cea, axuda aos pacientes con diabetes tipo 2 a reducir os seus niveis de azucre en sangue. Así o mostra un estudo levado a cabo por investigadores da Universidade de Otago en Dunedin (Nova Zelanda) e publicado na revista Diabetologia.

En palabras do doutor Andrew Reynolds, director do estudo, “os nosos resultados mostran que, comparados fronte a aqueles que realizaron un paseo en calquera momento do día, os pacientes con diabetes tipo 2 que pasearon xusto despois de cada comida experimentaron unha disminución media do 12% dos seus niveis de glucosa postprandial”.

Mellor control da diabetes

O obxectivo do estudo foi avaliar se camiñar tras cada comida conleva algún beneficio no control da diabetes tipo 2. E, para iso, seguindo a recomendación de practicar todos os días 30 minutos de actividade física de intensidade moderada, os 41 pacientes participantes no estudo dividíronse en dous grupos: un primeiro grupo no que tiñan que seguir o consello de realizar un paseo diario de 30 minutos; e un segundo grupo no que esta media hora se dividía en tres paseos de 10 minutos a realizar tras cada comida principal.

Concluído o período de dúas semanas de estudo, os resultados mostraron que pasear só 10 minutos tras cada comida conleva unha redución promedio do 12% dos niveis de glucosa postprandial.

Como indica o doutor Reynolds, “a maioría do beneficio derivou da redución, certamente significativa, do 22% nos niveis de glucosa en sangue cando o paseo se levou a cabo tralas ceas, que foron as comidas con maior cantidade de carbohidratos”.

Por todo iso, conclúe o director do estudo, “as actuais guías de práctica clínica deberían ser modificadas para especificar a actividade postprandial, especialmente cando as comidas conteñen unha cantidade considerable de hidratos de carbono”.

*Información extraída de Somos Pacientes e imaxe de Pixabay con licenza CC0.

Camiñar 15 minutos tras cada comida protexe aos maiores contra a diabetes

As contraccións musculares contrarrestan as elevacións de azucre en sangue.

Información extraída de Somos Pacientes.

Camiñar durante 15 minutos tras cada comida podería axudar ás persoas maiores a previr o desenvolvemento de diabetes tipo 2. E é que os paseos dun cuarto de hora son eficaces para regular os niveis de azucre en sangue e, polo tanto, para reducir o risco de presentación da enfermidade. Así o mostra un estudo levado a cabo por investigadores da Escola de Saúde Pública e Servizos de Saúde da Universidade George Washington (Estados Unidos) e publicado na revista Diabetes Care.

Concretamente, os resultados revelan que levar a cabo tres camiñadas curtas despois das comidas son igual de efectivas para reducir o azucre en sangue que camiñar durante 45 minutos a un ritmo suave-moderado. E así mesmo, que camiñar trala comida é máis eficaz que un paseo prolongado de ata tres despois logo da cea.

En palabras da doutora Loretta DiPietro, directora da investigación, “os nosos achados son unha boa noticia para as persoas de 70 e 80 anos que poden sentirse máis capaces de levar a cabo unha actividade física intermitente a diario, sobre todo se as camiñadas curtas se poden combinar con recados ou pasear ao can”.

Redución do risco

Numerosos estudos suxeriron que a perda de peso e o exercicio físico poden previr a diabetes tipo 2. Con todo, esta é a primeira investigación na que se demostra que as sesións curtas de actividade física programada en períodos de risco “isto é, tralas comidas, momentos nos que se producen elevacións da concentración de azucre en sangue” tamén pode previr o desenvolvemento de diabetes tipo 2.

Como explica a doutora de DiPietro a tenor dos resultados deste estudo levado a cabo con 10 persoas maiores de 60 anos e con risco elevado de diabetes, “as contraccións musculares relacionadas con camiñadas curtas resultan inmediatamente eficaces contra as elevacións potencialmente daniñas de azucre en sangue que se observan comunmente nas persoas maiores tralas comidas”.

Con todo, como recordan os autores, a maioría da xente adoita inxerir grandes cantidades de comida durante a tarde ou a cea, para logo durmir unha sesta ou ver a televisión. “E isto é o peor que pode facerse. Débese dixerir un pouco a comida e logo saír e moverse”, conclúe a doutora DiPietro.